Cada noite Erea espertaba cun chii-chi-chiiiii, o renxer característico da bicicleta do seu veciño e saltaba da cama para velo saír. A ela non lle sorprendía nin que a bicicleta fose daquelas antigas que tiñan unha roda grande diante, e outra pequena detrás. Tampouco lle sorprendía o nome do seu veciño: Rubicundo. Nin lle parecía raro que todas as noites subise na súa bicicleta e comezase a viaxe enriba da árbore do seu xardín, ata perderse de vista. A Erea o que si lle parecía estraño era a súa indumentaria, un gabán e un sombreiro de copa negros, e debaixo un traxe da cor do acibeche. Erea era así, fixábase nos detalles máis sinxelos.

O sol secábao todo coa súa calor abrasadora, e as nubes non facían máis que matarse a regar os campos para que medrasen as verzas e o millo, e para que as herbas fosen verdes. En canto viron que o verde se volvía amarelo, ás nubes pareceulles tan mal que decidiron facer unha folga traballando, e puxéronse a chover os sete choveres ata que quedaron sen auga.
Por culpa de tanto chover a Vila de Portoseco quedou asolagada e os seus habitantes navegaban entre os tellados das casas e o campanario da igrexa.
Como ían solucionalo?, pensaron as nubes. Pois podiamos facer que chovera do revés.

O presente libro constitúe un manual introdutorio á disciplina da Intelixencia Artificial, considerada no seu dobre aspecto de ciencia e técnica. Estruturada en tres grandes bloques temáticos: aspectos básicos da Intelixencia Artificial, esquemas e modelos de razoamento e enxeñaría do coñecemento, a exposición vai desenvolvendo de xeito rigoroso e asequible á vez os diversos aspectos e problemas que comporta e estudo, o deseño e a análise de sistemas artificiais capaces de resolver problemas